1 کاتژمێر پێش ئێستا
124 جار خوێنراوەتەوە
ئۆجەلان: ئیسـ*ـڕائیل دەیەوێت بە پاڵدان بە كوردەوە درێژە بە بوونی خۆی بدات
پەیام
ڕێبەری زیندانییكراوی پەكەكە بە ئەندامانی لیژنەكەی پەرلەمانی
توركیای ڕاگەیاندووە: پێویستە هەسەدە بچێتە نێو سوپا و وەزارەتی بەرگریی سووریاوە.
دەشڵێت: ئیسرائیل دەیەوێت كورد بەكار بهێنێت.
گوڵستان كۆچییت، جێگری سەرۆكی فراكسیۆنی دەمپارتی لە پەرلەمانی
توركیا، كە هاوكات ئەندامی ئەو شاندە بوو سەردانی دوورگەی ئیمراڵییان كرد و لەگەڵ
عەبدوڵڵا ئۆجەلان، دامەزرێنەری پارتی كرێكارانی كوردستان "پەكەكە" كۆبوونەوە،
بەشێك لە قسەكانی ئۆجەلانی بۆ بۆ ئاژانسی میزۆپۆتامیا ئاشكرا كردووە و ڕایگەیاندووە:
ئۆجەلان باسی شێخ سەعیدی پیرانی كردووە و وتوویەتی "شێخ سەعید بۆیە لە 1921 شۆڕشی
نەكرد و چوار ساڵ دوای خست چونكە كورد بەشداربوو لە جەنگی ڕزگاریی توركیا بەڵام
دواتر كە دەوڵەتی نەتەوەیی دروست كرا، شێخ سەعید پەنای بۆ شۆڕش برد.
ئۆجەلان لەبارەی سووریاوە جەختی لەوەش كردووەتەوە پشتیوانیی
ڕێككەوتنی 10 ی ئادار دەكات و لەگەڵ ئەوەدایە هەسەدە و یەپەگە بچنە ناو وەزارەتی
ناوخۆ و وەزارەتی بەرگری و سوپای سووریاوە.
لەبارەی قەوارەی زایۆنییشەوە ئۆجەلان وتوویەتی، ئیسرائیل
لەڕێگەی ڕێككەوتننامەی ئیبراهیمییەوە دەیەوێت ببێتە هێزی هەرێمی لە ناوچەكەدا هەروەها
دەیەوێت كورد بەكاربهێنێت و بە پاڵدان بە كوردەوە درێژە بە بوونی خۆی بدات. هەر بۆیە
پێویستە بە باشی هەموو پێشهاتەكان ڕەچاو بكرێن و بخوێنرێنەوە.
بە وتەی كۆچییت، ئۆجەلان ڕایگەیاندووە: هەنگاوەكانی ئەردۆغان
و باخچەلی فراوانبوونی عەقڵی دەوڵەتی توركیایە بەڵام ئەگەر ئەم پرۆسەیە سەرنەگرێت
ئەوا كودەتا لە توركیا ڕوو دەدات.
لە تۆڕە کۆمەڵایەتیەکان شەیری بکە