1 کاتژمێر پێش ئێستا
106 جار خوێنراوەتەوە
لە خۆپیشاندانی خەڵکی گوندی لاجان لە هەولێر گرژی درووست بوو و کەسێک کوژرا
پەیام
خۆپیشاندانی خەڵکی گوندی لاجان لە نزیک گوێڕ لە هەولێر بەردەوامە و کەمێک پێش ئیستا گرژی و ئاڵۆزی لە نێوان خۆپیشاندەران و هێزە ئەمنییەکان ڕوویدا.
بەپێی زانیارییەکانی پەیامنێری پەیام لە سنوورەکە، گرژی و ئاڵۆزییەکان تەقەى تێکەوتووە و کەمێک بەر لە ئێستا کەسێک بە تەقەى هێزە ئەمنییەکان کوژراوە کە شۆفێری تڕێلەیە و بە ڕەگەز تورکە، هەروەها سێ کەسی دیکەش برینداربوون.
خۆپیشاندانەکە بە مەبەستی دامەزراندنی ئەو هاووڵاتییانەیە لە پاڵاوگەى لاناز، کە چەند ڕۆژێکە بەردەوامە و تا ئێستا هیچ لایەنێک وەڵامی داواکارییەکەیانی نەداوەتەوە، تا ئێستاش خۆپیشاندان و گرژییەکان بەردەوامن.
لە تۆڕە کۆمەڵایەتیەکان شەیری بکە