دیاله‌.. به‌پرسێك به‌تۆمه‌تی وه‌رگرتنی به‌رتیل ده‌ستگیر كرا

دەستەی دەسپاکی بەڕێوەبەر و بەرپرسێکی فەرمانگەی جێبەجێکردنی لە دیالە بە تۆمەتی وەرگرتنی بەرتیل و دزینی پارەی گشتی دەستگیرکرد. 
تیمێکی لێکۆڵینەوە لە بۆسەیەکی ورددا، بەڕێوەبەری فەرمانگەی جێبەجێکردنی یەکێک لە قەزاکانی دیالە و بەرپرسی بەشی دۆسیەکانیان لە کاتی وەرگرتنی بەرتیلدا دەستگیرکرد؛ تۆمەتبارەکان داوای پارەیان لە هاووڵاتییەک کردووە بۆ گەڕاندنەوەی ساڵانەی ئۆتۆمبێلەکەی، لە کاتێکدا ئەو پارانەی پێشتر هاووڵاتییەکە وەک ڕەسمی حکومی دابووی، بۆ خۆیان دزیبوو و نەیانخستبووە خەزێنەی دەوڵەتەوە. 
ئەو دوو بەرپرسە کە یەکێکیان "بەڕێوەبەری فەرمانگەی جێبەجێکردن" و ئەوی تریان "بەرپرسی بەشی دۆسیەکان" بوو، لە کاتێکدا دەستگیرکران کە خەریکی وەرگرتنی بڕە پارەیەک بوون وەک "بەرتیل" لە هاووڵاتییەک. 
بۆ شاردنەوەی سەرەداوی تاوانەکانیان، ئەو دوو بەرپرسە دۆسیە ئەسڵییەکەیان لەناوبردووە، بەڵام دوای دەستگیرکردنیان و ڕێکخستنی پەڕاوی یاسایی، دادوەری لێکۆڵینەوەی بەعقوبە بڕیاری دەستبەسەرکردنی بۆ دەرکردن بەپێی ماددەی ٣٠٧ لە یاسای سزادانی عێراقی.