کەشناسی عێراق: پلەکانی گەرما بەرز دەبنەوە و له‌ بەسرە دەگاتە ٤٧ پلە

دەستەی کەشناسی پێشبینی دەکات پلەکانی گەرما لە زۆربەی پارێزگاکانی عێراق ڕوو لە بەرزی بکەن و لە هەشت ناوچە لە نیوەی پلەی کوڵان نزیک ببێتەوە. 
بۆ سبەی چوارشەممە، بەرزترین پلەکانی گەرما لە پارێزگاکانی بەسرە، میسان، زیقار و موسەنا دەگاتە ٤٧ پلەی سەدی، و لە نەجەف و واستیش ٤٦ پلە دەبێت. لە ناوچەکانی ناوەڕاست، بەغداد و دیالە ٤٤ پلە تۆمار دەکەن. لە هەرێمی کوردستانیش، گەرما لە هەولێر دەگاتە ٤٠ پلە و لە سلێمانی و دهۆکیش ٣٨ پلەی سەدی دەبێت، کە نزمترین پلەن لەسەر ئاستی وڵات؛ پێشبینیش دەکرێت ئاسمانی هەموو ناوچەکان بە گشتی ساماڵ بێت. 
بەپێی ڕاپۆرتەکە، ئەم بارودۆخە تا ڕۆژی شەممە بەردەوام دەبێت و پلەکانی گەرما جێگیر نابن. ڕۆژی پێنجشەممە گەرما لە ناوچەکانی باکوور زیاتر دەبێت، هەرچەندە ڕۆژی هەینی کەمێک دادەبەزن، بەڵام بۆ ڕۆژی شەممە پلەکانی گەرما لە باشووری عێراق جارێکی دیکە بەرزبوونەوەی نوێ بەخۆیانەوە دەبینن. کەشناسی ئاماژەی پێ کردووە کە گۆڕانکارییەکان بەردەوام دەبن و پێویستە هاووڵاتیان لە کاتە گەرمەکاندا وریای خۆیان بن.