10 کاتژمێر پێش ئێستا
92 جار خوێنراوەتەوە
مەزهەر محەمەد: هەواڵی لەناوبردنی ترلیۆنان دینارى عێراقى هیچ بنەمایەكی نییە
پەیام
حكومەتی فیدڕاڵی دەنگۆی لەناوچوونی ترلیۆنان دیناری عێراقی ڕەتدەكاتەوە و رایگەیاندووە، ئەو هەواڵانەی كە لەو بارەیەوە بڵاوكراونەتەوە ڕاست نین.
مەزهەر محەمەد ساڵح، ڕاوێژكاری ئابووری سەرۆكوەزیرانی عێراق رایگەیاندووە، هەواڵی لەناوبردن و تەلەفكردنی نیوەی دراوی دیناری عێراقی كە بریتییە لە 62 ترلیۆن راست نییە و، ئەو هەواڵانە هیچ بنەمایەكیان نییە.
ڕاوێژكاری سەرۆكوەزیرانی عێراق راشیگەیاندووە، وێڕای ئەوەی حكومەتی فیدڕاڵی و بانكی ناوەندی بە پلان كار لەسەر بە دیجیتاڵكردنی مامەڵە داراییەكان دەكەنەوە، بەڵام لەگەڵ ئەوەشدا پارەی كاش لەوپەڕی دڵنیاییدایە.
مەزهەر محەمەد ساڵح دەشڵێت، گوژمەی كاش لە عێراقدا ناگاتە 100 ترلیۆن دینار، بەڵام لەو بڕە نزیكەی 88 لەسەدی لە دەرەوەی بازنەی بانكی ناوەندیدایە و لەدەستی هاووڵاتیاندایە، بۆیە ئەوە بەڵگەیەكی ڕوون و ئاشكرایە كە هەواڵی لەناوبردنی ئەو گوژمە پارەیە ڕەتدەكاتەوە و لەڕووی ئابورییشەوە بە هیچ شێوەیەك لۆجیكی نییە.
لە تۆڕە کۆمەڵایەتیەکان شەیری بکە