ترەمپ: هیچ هۆكارێك نییە تا سوپای ئەمریكا لە غەززە جێگیر بكرێن

پەیام

دۆناڵد ترەمپ هەڕەشە دەكات و دەڵێت، ئەگەر حەماس پابەندی ڕێككەوتن نەبێت ئەوا ئیسڕائیل بە قسەیەكی من دەست بە جەنگ دەكاتەوە.

دۆناڵد ترەمپ، سەرۆكی ویلایەتە یەكگرتووەكانی ئەمریكا لە لێدوانێكدا بۆ سی ئێن ئێن، ڕایگەیاندووە: ئازادكردنی بارمتە زیندووەكان ئامانجی سەرەكی بوون. ئێستاش حەماس تۆڵە لە گرووپە چەكدار ومافیا توندوتیژەكانی كەرتی غەززە دەكاتەوە.

لەبارەی جەنگی ئۆكرانیاوە ترەمپ دەڵێت: زۆر جار كار لەسەر دۆسیەی ڕووسیا دەكەم بەڵام كامیان دەستكەوتێكی گەورەیە؟ چارەسەری ململانێ لە ئۆكرانیا كە سێ ساڵە بەردەوامە یان چارەسەری ناكۆكییەكانی ڕۆژهەڵاتی ناوەڕاست كە سێ هەزار ساڵە بەردەوامە.

سەرۆكی ئەمریكا باسی لەوەش كردووە، ئەگەر حەماس پابەندی ڕێككەوتن نەبێت ئەوا قەوارەی زایۆنی لەسەر قسەیەكی ەئو راستەوخۆ دەست بە جەنگ دەكاتەوە.  ڕأشیگەیاندووە: هەر ئەندامێكی حەماس چەك دابنێت و پابەندی پێكەوەژیانی ئاشتیانە بێت، ئەوا لێبوردنیان پێ دەدرێت. هەر ئەندامێكیش بیەوێت غەززە جێ بهێڵت، ڕێگەی پێ دەدرێت.

لەلایەكی دیكەوە ترەمپ ڕأیگەیاند: ئەمریكا هێزی سەربازیی خۆی لە كەرتی غەززە جێگیر ناكات. ترەمپ دەڵێت: هیچ هۆكارێك نیە وا بكات سوپای ئەمریكا بچێـتە ناو غەززەوە.