4 کاتژمێر پێش ئێستا
575 جار خوێنراوەتەوە
ئیسرائیل داوایەکى ئەمریکا بۆ ئازادکردنى مەڕوان بەرغووسی ڕەتدەکاتەوە
پەیام
سەرۆكی ئەمریكا داوای ئازادكردنی مەڕوان بەرغووسی سەركردەی دیاری فەلەستینی لە زیندانەكانی قەوارەی داگیركەری زایۆنی دەكات و وەزیرە توندڕەوە زایۆنییەكانیش ڕەتیدەكەنەوە.
بەپێی هەواڵی میدیا عەرەبییەكان، دوناڵد تڕەمپ، سەرۆكی ئەمریكا داوایكردووە، مەڕوان بەرغووسی، سەركردەی دیاری فەلەستینی لە زیندانەكانی قەوارەی زایۆنیدا ئازادبكرێت كە ئێستا ماوەی 22 ساڵە لە زینداندایە.
داواكەی سەرۆكی ئەمریكا بە زوویی لەلایەن دەسەڵاتدارە توندڕەوەكانی قەوارەی زایۆنییەوە ڕەتكرایەوە و، لە وەڵامدا ئیتمار بن غەفیر، سەرۆكی دەزگای ئاسایشی نیشتیمانی قەوارەی زایۆنی رایگەیاند، بە هیچ شێوەیەك و لە هیچ دۆخێكدا بەرغووسی ئازاد ناكرێت.
هاوكات، چەند سەرچاوەیەكی دیكەی میدیایی ئەوەیان بڵاو كردەوە، كە ئەمریكا تاوتوێی دانانی مەڕوان بەرغووسی بۆ بەڕێوەبردنی كەرتی غەززە دەكات، بەڵام دەسەڵاتدارانی قەوارەی زایۆنی ترسیان لە دووبارەبوونی ئەزمونی ئازادكردنی سەركردە فەلەستینییەكان هەیە.
بەرغووسی، ساڵی 2004 لەلایەن دادگایەكی قەوارەی زایۆنییەوە بە پێنج جار زیندانیكردنی هەتاهەتایی سزادراوە و 22 ساڵە لە زیندانەكانی داگیركەری زایۆنیدایە.
لە تۆڕە کۆمەڵایەتیەکان شەیری بکە