2 کاتژمێر پێش ئێستا
134 جار خوێنراوەتەوە
مامۆستا عەلی باپیر: خۆمان فاكتەری سەرەكی بووین بۆ بێهێزكردنی هەرێم
پەیام
مامۆستا عەلی باپیر ڕایگەیاند، ئەگەر لە ناوخۆ تەباییمان نەبێت، لەلایەن بەغداوە كاری زیاتر لەسەر بچوككردنەوەی هەرێم دەكرێت.
مامۆستا عەلی باپیر سەرۆکی کۆمەڵی دادگەریی کوردستان لە کۆنگرەی ڕۆژنامەوانیدا لە پێشانگای نیودەوڵەتی کتێب لە هەولێر، ڕاشیگەیاند، خۆمان فاكتەری سەرەكی بووین بۆ بێهێزكردنی هەرێم، بۆیە پێویستە بە خۆماندا بچینەوە و تەبابین تاوەكو هەرێمەكەمان چیدی بێهێز نەكرێت.
ئاماژەی بەوەشكرد، پێویستە لەناو خۆماندا دەستی یەكدی ماچ بكەین، نەك چاوەڕێبكەین خەڵكی دیكە بێت دەستی خۆیمان پێ ماچ بكات.
مامۆستا عەلی باپیر وتیشی "چ لایەك خۆی بە دڵسۆزتر دەزانێت بۆ هەرێم پێویستە دەستپێشخەریی بكات".
ئەوەشی خستەڕوو، "لە ڕابردوودا كە وتمان ئەم پەرلەمانە دیزاینكراوە سەرپێ ناكەوێت ڕاستمان گوت و هەر بەوشێوەیە دەرچوو كە پیشبینیمان بۆ كردبوو".
لە تۆڕە کۆمەڵایەتیەکان شەیری بکە