10/06/2025
195 جار خوێنراوەتەوە
وەرگرتنی گەنم له‌مڕۆوه ده‌ستی پێكرد و ئەمساڵ بەرهەمەکەى زۆر دابەزیوە
په‌یام
وەرگرتنی گەنمی جوتیاران ئه‌مڕۆ دەست پێدەكات و كۆمەڵێك ڕێنمایییش بڵاو كراوەتەوە.
بەپێی ڕاگەیاندنی وەزارەتی بازرگانی ئه‌مڕۆ لە سلێمانی و رۆژی 12ـی ئەم مانگە لە هەولێر دەست دەكرێت بە وەرگرتنی گەنمی جوتیاران بۆ وەرزی بە بازاڕكردنی گەنمی 2025.
ئەوەیش خراوەتە ڕوو، وەرگرتنی گەنم بەپێی ناوچەكان دەبێت و ئه‌مڕۆ لە پیرەمەگروون و عەربەت و چەمچەماڵ گەنم وەردەگیرێت.
بەپێی ئەو ڕێنماییانەیش كە بڵاو كراونەتەوە، بۆ وەگرتنی گەنم دەبێت جوتیاران بارهەڵگرەكانیان پڕ لە دانەوێڵە بن و بە یەكڕیز بوەستن، تەنیا شۆفێری بارهەڵگرەكەیش بچێتە ژوورەوە بۆ ڕاییكردنی مامەڵەكان و ژمارە و ساڵانەی ئەسڵی و كۆپییشیان پێبێت.
داواش كراوە كە جوتباران گەنم بە پیكاب نەبەن بۆ سایلۆكان چونكە وەرناگیرێت.سەبراەت بە بڕى بەرهەمى گەنم، هیوا عەلی، وتەبێژی وەزارەتی كشتوكاڵ ڕاگەیاند: بەهۆی كەمبارانییەوە جوتیاران لە ئەو دوو ملیۆن دۆنم زەوییەی كە پشت بە باران دەبەستێ بۆ چاندنی بەرهەمی زستانە، تەنیا نیوەیان گەنمیان تێدا چاند و بەشی زۆریشیان لەناو چووە، بەتایبەت لە دەشتەكانی هەولێر و شێخان و بەشێكی پارێزگای سلێمانی و ناوچەكانی گەرمیان و ڕانییە.وتەبێژەكەی وەزارەتی كشتوكاڵ دەڵێت: ساڵی ڕابردوو بەرهەمی گەنمی هەرێم زیاتر لە ملیۆنێك تۆن بوو و پێشبینیشی كرد ئەم ساڵ كەمتر لە ملیۆنێك تۆن بێت."
لە تۆڕە کۆمەڵایەتیەکان شەیری بکە