14/04/2025
203 جار خوێنراوەتەوە
كەشناسی هەرێم: ئەمڕۆ و سبەی باراناوی دەبێت
پەیام
كەشناسی هەرێمی كوردستان رایگەیاندووە، ئەمڕۆ لە بەشێك لە ناوچەكانی هەرێمی كوردستان نمەباران دەبێت و سبەینێش كەشی باراناوی هەموو هەرێمی كوردستان دەگرێتەوە.
بەرێوەبەرایەتی گشتی كەشناسی و بوومەلەرزەزانی ڕایگەیاندووە، لە ئەنجامی هاتنی نزمە پاڵەپەستۆی دەریای سوورەوە و تێكەڵبوونی بارستە هەواییەكی سارد بە كەشی ناوچەكەمان، لە ڕۆژی دووشەممەوە رێكەوتی 14ـی نیسانی 2025 ئاسمانی هەرێم هەورو نیمچە هەور دەبێ، باران بەشێوەی نمە و بارانی مامناوەند لە ناوچەی جیا جیا دەبارێت.
هەروەها بەرێوەبەرایەتی گشتیی كەشناسی و بوومەلەرزەزانی ڕایگەیاندووە، كاریگەری ئەم شەپۆڵە لە شەوی دووشەممە لەسەر سێشەممە زیاد دەبێت، ئاستی دابارین مامناوەند و هەندێ كات لێزمە باران و هەورە تریشقەش دەبێت، لەگەڵ زیادبوونی كاریگەری نزمە پاڵە پەستۆی دەریای سوور لە رۆژی سێ شەممە كاریگەری شەپۆڵی بارانبارین فراوان و زیاتر دەبێت لە سەرجەم ناوچەكان باران دەبێت.
بەپێی پێشبینی كەشناسیی هەرێم، لەدرەنگانی شەوی سێ شەممە لەسەر چوار شەممە كاریگەری ئەم شەپۆڵە كۆتای دێت، لەماوەی كاریگەری ئەم شەپۆڵە پێشبینی زیادبوونی خێرای با و بەرزبوونەوەی تۆز و خۆڵ كە هەندێ كات لەگەڵ باران تێكەڵ دەبێت وە ئەگەری بارینی بەفرێكی كەم لەسەر لووتكەی ناوچە شاخاوییە سنوورییەكان هەیە.
لە تۆڕە کۆمەڵایەتیەکان شەیری بکە