پێش 4 هەفتە
204 جار خوێنراوەتەوە
وه‌زیری نه‌وتی عێراق: ئه‌مڕۆ و سبه‌ی نه‌وتی هه‌رێم وه‌رده‌گرین و هه‌نارده‌ی ده‌كه‌ین
حەیان عەبدولغەنى، وەزیرى نەوتى عێراق رایگه‌یاند، ئەمڕۆ یاخود سبەى دەستدەکەین بە وەرگرتنى نەوتى هەرێمى کوردستان و لە رێگەى سۆمۆوە رەوانەى بەندەرى جەیهان دەکرێت.
حەیان عەبدولغەنى وەزیرى نەوتى عێراق كه لە ئێستادا له کەرکووکە و سەردانى کۆمپانیاى نەوتى باکووری كردووه رایگه‌یاند، لە ئێستادا هەرێم تواناى بەرهەم هێنانى 130 هەزار بەرمیل نەوتى ڕۆژانەى هەیە و لە و بڕەش 50 هەزار بەرمیلى بۆ ناوخۆى هەرێم دەبێت.
وەزیرى نەوتى عێراق ڕایگەیاندووە، ئەوان ئامادەن ئەو 80 هەزار بەرمیل نەوتى ڕۆژانەیەى هەرێم وەربگرن.
وەزیرى نەوت ئاماژەى بەوەشکرد، دانوستانەکانى نێوان هەولێر و بەغداد بۆ دەستپێکردنى هەناردەى نەوتى هەرێم لە ڕێگەى سۆمۆوە بەردەوامە.
لە تۆڕە کۆمەڵایەتیەکان شەیری بکە