12 کاتژمێر پێش ئێستا
123 جار خوێنراوەتەوە
سەرۆکی کۆمەڵی دادگەریی پێشوازیی لە سەرۆکی ڕەوتی حیكمه‌ی نیشتیمانی دەکات
په‌یام
ئەمڕۆ سێ شەممە ٧ / ١٠ / ٢٠٢٥ مامۆستا عەلی باپیر سەرۆکی کۆمەڵی دادگەریی کوردستان بە ئامادەبوونی ژمارەیەک لە ئەندامانی سەرکردایەتی، پێشوازیی کرد لە سەید عەممار ئەلحەکیم سەرۆکی ڕەوتی حیکمەی نیشتیمانی و شاندی یاوەری.
لە کۆبوونەوەکەدا باس لە زیاتر پتەوکردنی پەیوەندییەکانی هەردوولاو، بارودۆخی سیاسیی عێڕاق و ناوچەکە کرا.
لە هەمان کاتدا باس لە هەڵبژاردنی داهاتووی عێڕاق کرا، هەردوولا جەختیان لەسەر ئەوە کردەوە کە پێویستە ئەمنیەتی عێڕاق پارێزراو بێ، یاساو دەستور لە عێڕاق بەرکاربن، وە هاوڵاتیانی عێڕاق بە هەموو چین و توێژ و لایەنەکانەوە بەشداریی لە هەڵبژاردنی عێڕاق دا بکەن، وە هەڵبژاردنێکی پاك و بێ گرفت ئەنجام بدرێ، بۆ ئەوەی پەرلەمان و حکومەتێکی ڕاست و دروستی لێ لە دایك بێ.
لای خۆشیەوە سەرۆکی کۆمەڵ، چارەسەرکردنی کێشەکانی نێوان هەرێم و بەغدای بە کارێکی گرنگ وەسف کرد لە ڕێگەی یاساو دەستور و گفتوگۆوە و، دابینکردنی مووچە و بودجە و مافی هاوڵاتیانی هەرێم بە هەنگاوێکی گرنگ لە قەڵەم دا، لە نێوان حکومەتی هەرێم و بەغدا.
لە تۆڕە کۆمەڵایەتیەکان شەیری بکە