4 کاتژمێر پێش ئێستا
289 جار خوێنراوەتەوە
هێڵێكی دیكەی ئاسمانیی توركی گەشتەكانی بۆ سلێمانی دەستپێدەكاتەوە
پەیام
هێڵێكی دیكەی ئاسمانیی توركیا گەشتەكانی بۆ فڕۆكەخانەی سلێمانی دەست پێ دەكاتەوە.
دوای ئەوەی كۆمپانیای توركش ئێرلاین ڕایگەیاند، بەهۆی ئەوەی ئابڵوقەی ئاسمانیی توركیا لەسەر سلێمانی نەماوە، لە هەفتەی داهاتووەوە گەشتی فڕۆكە دەستپێدەكاتەوە، ئەمڕۆش كۆمپانیای هێڵی ئاسمانیی (ئەی جێت)ی توركی ڕایگەیاند: لە سەرەتای مانگی 12 ـەوە گەشتە ئاسمانییەكان بۆ فڕۆكەخانەی نێودەوڵەتیی سلێمانی دەستپێدەكاتەوە.
كۆمپانیای ئەی جێت ڕایگەیاندووە، هەفتانە چوار گەشتی فڕۆكە لەنێوان ئەستەنبوڵ و سلێمانیدا ئەنجام دەدەن.
بڕیاری هەردوو كۆمپانیای توركش ئێرلاین و ئەی جێت بۆ دەستپێكردنەوەی گەشتی ئاسمانی لەگەڵ سلێمانی دوای ئەوە هات، لە 3 ی نیسانی ساڵی 2023 ـەوە توركیا ئاسمانی وڵاتەكەی بەڕووی فرۆكەخانەی نێودەوڵەتیی سلێمانیدا داخست و ڕایگەیاند: چالاكییەكانی پەكەكە لە سنوورەكە زیاد بوون و فڕۆكەخانەكەیان بەكار هێناوە بۆ مەبەستی سەربازی. بەڵام دوای دوو ساڵ و نیو، لە ناوەڕاستی ئەم مانگە توركیا بڕیارەكەی هەڵوەشاندەوە و قەدەغەی ئاسمانیی لەسەر سلێمانی هەڵگرت.
لە تۆڕە کۆمەڵایەتیەکان شەیری بکە