25/12/2025
525 جار خوێنراوەتەوە
ئاڵوگۆر لە پۆستی بەرپرسی مەڵبەندی سۆرانی كۆمەڵی دادگەری كرا
پەیام
لە مەراسیمێكی فەرمیدا، پڕۆسەی ئاڵوگۆڕی دەسەڵات لە نێوان (م. مەروان گەڵاڵی) و (م. مسلم رایەتی) وەك بەرپرسی مەڵبەندی سۆرانی كۆمەڵی دادگەریی كوردستان بەڕێوەچوو.
ئەم گۆڕانكارییە دوای سەركەوتنی كۆنفرانسی مەڵبەند دێت، كە تێیدا (م. مسلم رایەتی) وەك بەرپرسی نوێی مەڵبەند دەستبەكاربوو.
هاوكات، لەسەر داوای ئۆرگانەكانی حزب لە ناوچەكە، (م. مەروان گەڵاڵی) وەك سەرپەرشتیاری گشتیی كاروباری كۆمەڵ لە سنووری ئیدارەی سەربەخۆی سۆران دەست نیشانكرا.
لە كۆبوونەوەكەدا، بەرپرسی ئۆرگانەكان وێڕای دەربڕینی پاڵپشتی تەواو بۆ بەرپرسی نوێ، لە پێناو سەرخستنی كارە ڕێكخراوەییەكانی حزب لە دەڤەرەكەدا، سوپاسی خزمەت و هەوڵەكانی مەروان گەڵاڵییان كرد لە قۆناغی ڕابردوودا و هیوای سەركەوتنیان بۆ هەردوولا خواست لە ئەركە نوێیەكانیاندا.
لە تۆڕە کۆمەڵایەتیەکان شەیری بکە