22/01/2026
1135 جار خوێنراوەتەوە
كۆمەڵی دادگەریی سەرجەم تواناكانی خۆی و میدیاكەی بۆ پشتیوانی لە كوردانی ڕۆژئاوا خستووەتەگەڕ
پەیام
لەگەڵ پەرەسەندنی ڕووداوەكان لە ڕۆژئاوای
كوردستان، كۆمەڵی دادگەریی كوردستان وەك هێزێكی سیاسیی خاوەن هەڵوێست، سەرجەم
تواناكانی خۆی و میدیاكەی بۆ پشتیوانی لە كوردانی ڕۆژئاوا خستەگەڕ. ئەم هەنگاوە لە
ناوەندە جەماوەرییەكانی شاری سلێمانیدا دەنگدانەوەیەكی فراوانی هەبوو، بەجۆرێك
هاووڵاتیان دەستپێشخەرییەكە بە وەرچەرخانێكی گرنگ لە كاری سیاسیی نەتەوەییدا دەبینن.
چین و توێژەكانی سلێمانی لە لێدوانەكانیاندا
ئاماژە بەوە دەكەن، كۆمەڵی دادگەری لەم قۆناغەدا سەلماندی كە حزبێكی "ڕەسەن و
خاوەن مەبدەئە" و بەرژەوەندییە باڵاكانی خەڵك و خاك دەخاتە سەروو هەموو بەرژەوەندییەكی
دیكەوە. دەڵێن: "كۆمەڵ لە كاتی تەنگانەدا وەك هەمیشە بووەتە پەناگە و دەنگی ڕاستەقینەی
گەلەكەی."
لە تۆڕە کۆمەڵایەتیەکان شەیری بکە