120 ملیارەکەی مانگی یەک رادەست کرا و هێشتا مووچەی مانگەکانی 11 و 12 دیار نیە

بەڵام تا ئەم ساتە هیچ هەواڵێک بۆ ناردنی پارە لە بەغدادەوە بۆ هەرێم و لیستی مووچەی مانگی کانونی دووەم (یەک)ی ئەمساڵی لە ئارادا نییە و نازانرێت کەی مووچە بەسەر مووچەخۆراندا دابەش دەکرێت و لیست بڵاو دەکرێتەوە.
ئەمە داهاتە نانەوتییەی کە ئەمڕۆ هەرێم ڕەوانەی بەغدادی کردووە دوای ئەوە دێت کە مووچەخۆران هێشتا مووچەی مانگەکانی 11 و 12ی ساڵی ڕابردوو و مووچەی یەکی ئەمساڵیشیان وەرنەگرتووە و نەناردن و دواکەوتنی ئەم 120 ملیار دیناری مانگانەیەش هۆکاری سەرەکییە بۆ نەهاتن و دواکەوتنی مووچە لە هەرێمی کوردستان کە فشارێکی ئابووری سەختی لەسەر هاووڵاتیان دروست کردووە.
لە کوردستان، دۆسیەی مووچە بووەتە بازنەیەکی داخراوی چاوەڕوانی و بەهۆی ناڕوونی لە داهات و خەرجییەکانەوە، بژێوی فەرمانبەران کراوەتە کارتی فشار،  پەرلەمانتارێکی عێراق ئەم دۆخە بە یارییەکی ناشرین وەسف دەکات و ئاماژە بەوە دەکات کە شکۆی هاووڵاتییان و سەقامگیریی بازاڕ کراوەتە قوربانی، لەکاتێکدا حکومڕانی بەرپرسانە پێویستی بە چارەسەری ڕیشەییە نەک بەڕێکردنی کات.