مامۆستا عەلی باپیر بەشداری پرسەی حاجی تەمەر ئیسماعیل ڕێكانی دەكات

پەیام:

مامۆستا عەلی باپیر بەشداری پرسەی حاجی تەمەر ئیسماعیل ڕێكانی دەكات و پرسە و سەرەخۆشی ئاڕاستەی خانەوەوادەكەیان دەكات.

مامۆستا عەلی باپیر، سەرۆكی كۆمەڵی دادگەریی كوردستان، بە یاوەری شاندێكی باڵای مەكتەبی سیاسی و سەركردایەتی، ئەمڕۆ چوارشەممە لە شیلادزێ بەشداریی لە پرسەی باوكی مامۆستا عەبدولسەتار ڕێكانی، ئەندامی پێشووی سەركردایەتی حیزبەكەی كرد و هاوخەمیی خۆی بۆ بنەماڵەكەیان دەربڕی.

ئەمڕۆ چوارشەممە، مامۆستا عەلی باپیر، سەرۆكی كۆمەڵی دادگەریی كوردستان گەیشتە شارۆچكەی شیلادزێ. مەبەستی سەردانەكەی بەشداریكردن بوو لە ڕێوڕەسمی سەرەخۆشیی كۆچكردوو (حاجی تەمەر ئیسماعیل ڕێكانی)، كە دەكاتە باوكی مامۆستا عەبدولسەتار ڕێكانی، ئەندامی پێشووی ئەنجومەنی سەركردایەتی كۆمەڵی دادگەری.

لەو بەسەركردنەوەیەدا، شاندێكی باڵا كە پێكهاتبوو لە ژمارەیەك لە ئەندامانی مەكتەبی سیاسی و ئەنجومەنی سەركردایەتی، یاوەری مامۆستا عەلی باپیریان دەكرد.

لە میانی بەشدارییەكەدا، سەرۆكی كۆمەڵی دادگەری هاوخەمیی خۆی و حیزبەكەی بۆ مامۆستا عەبدولسەتار و سەرجەم بنەماڵە و خزمانی ڕێكانی دەربڕی و نزای خێری بۆ كۆچكردوو كرد.