4 رۆژ پێش ئێستا
187 جار خوێنراوەتەوە
قەتەر و میسر: لە هەوڵداین بۆ گەیشتن بە ڕێكەوتنی ئاگربەست لە غەززە
پەیام
هەردوو وڵاتی میسڕ و قەتەر بەیاننامەیەكی هاوبەشیان بڵاو كردەوە و رایانگەیاندووە، هەوڵەكانیان بۆ گەیشتن بە ڕێكەوتن بەردەوامە و داوا دەكەن جەنگ لە غەززە كۆتایی پێبهێنرێت.
لە بەیاننامەكەدا كە وەزارەتی دەرەوەی قەتەر بڵاویكردوەتەوە، هاتووە، هەردوو وڵاتی قەتەر و میسر هەوڵەكانیان بۆ لێكترنزیككردنەوەی بیروبۆچوونەكان بەردەوامە و لە هەوڵدان بۆ كەمكردنەوەی جیاوازییەكان لە پێناو گەیشتن بە ڕێكەوتن لەسەر بنەمای پێشنیازی ئاگربەستی نوێنەری تایبەتی سەرۆكی ئەمریكا.
هەروەها راشگەیەنراوە، قەتەر و میسر جەخت لەوە دەكەنەوە پێویستە لایەنەكانی جەنگ بە بەرپرسیارێتییەوە لە دۆخی مرۆیی كەرتی غەززە بڕوانن و هەنگاو بۆ نەهێشتنی كۆسپەكانی بەردەم گەیشتن بە ئاگربەست بنێن.
بەپێی ڕاگەیەنراوەكە، هەردوو وڵاتی میسر و قەتەر لە هەوڵدان بۆ جێبەجێبوونی ڕێكەوتنی ئاگربەستی دوو مانگی، كە دواتر بگات بە ڕێكەوتنی یەكجاری بۆ ڕاگرتنی جەنگ و كۆتایی هێنان بە قەیرانی مرۆیی لە كەرتی غەززە و كردنەوەی دەروازەكان و گەیاندنی هاوكاری مرۆیی بە كەرتەكە.
لە تۆڕە کۆمەڵایەتیەکان شەیری بکە