وەزارەتی دارایی هەرێم گشتاندنی بۆ لێبڕینی خانەنشینی دەركرد

پەیام 

وەزارەتی دارایی حكومەتی ماوەبەسرچووی هەرێم گشتاندنی بۆ لێبڕینی خانەنشینی بە ڕێژەی لەسەدا 10 دەركرد.

بەپێی گشتاندنەكە، هەموو ‏ئەو فەرمانبەرانەی كە یاسای خانەنشینیی یەكگرتوو دەیانگرێتەوە، لە ‏مانگی شەشی ئەمساڵەوە بە ڕێژەی لەسەدا 10 لە مووچەكانیان بۆ ‏خانەنشیی دەبڕدرێت.‏

یاساكە لە عێراق لە 1-1-2014ـەوە جێبەجێ‌ كراوە، بەڵام لە هەرێم لە ‏ناوەڕاستی ساڵی 2024ـەوە جێبەجێ‌ كراوە و پێشتر لەسەدا 7 بۆ مووچەی ‏خانەنشیی بڕدراوە، بۆیە بەپێی گشتاندنەكە، ئەو 3% ی كە 10 ساڵە لێیان ‏نەبڕدراوە، دەبێت بە قەرز لەسەر فەرمانبەرانی هەرێم و ئەوەشیان لێ‌ ‏وەردەگیرێتەوە.‏

هەروەها ئەو خانەنشینانەی كە یاساكە دەیانگرێتەوە، هاوشێوەی ‏فەرمانبەران قەرزی 10 ساڵی 3%یان لێ‌ وەردەگیرێتەوە.‏

ئەو لێبڕینی 3%ـی بووە بە قەرز لەسەر مووچەخۆران، بۆ ‏فەرمانبەران بە سێ‌ ساڵ و بۆ خانەنشینان بە پێنج ساڵ لێیان ‏وەردەگیرێتەوە.‏