20 کاتژمێر پێش ئێستا
103 جار خوێنراوەتەوە
بۆ چاککردنى کارەباکەیان، هاووڵاتیانی ناحیەی وەرتێ خۆپیشاندانیان ئەنجام دا
پەیام
بەهۆی چارەسەرنەكردنی گرفتی كارەباكەیانەوە، هاووڵاتیانی سنوری ناحیەی وەرتێ بۆماوەی كاتژمێرێك ڕێگای هامڵتۆنیان داخست.
كاتژمێر 12ی شەوی ڕابردوو هاووڵاتیانی سنووری ناحیەی وەرتێ خۆپیشاندانیان ئەنجام دا و پردی حافیز كە ئیدارەی سۆران بە مەرزی نێودەوڵەتیی حاجی ئۆمەران و ئیدارەی ڕاپەرین دەبەستێتەوە بەتەواوەتی دایانخست.
ئەم خۆپیشاندانەی هاووڵاتیانی ناحیەی وەرتێ دوای ئەوە هات ماوەیەكە داوای چاككردنی كارەبای نیشتمانی دەكەن كە چەند كاتژمێرێكی كەم كارەبایان پێ دەدرێت، بەڵام بەرپرسان بەدەم بانگەوازەكەیانەوە نەهاتوون، ئەوانیش خۆپشاندانیان ئەنجام دا و بۆماوەی كاتژمێرێك ڕێگای بازرگانی حاجی ئۆمەرانیان داخست.
دوای ئەوەی هێزێكی زۆری ئاسایش گەیشتە لای خۆپیشاندەران و پاش گفتۆكردنیان لەگەڵ نوێنەرانی خۆپیشاندەران، بەڵێنی چارەسەكردنی گرفتەكەیان دا و كۆتاییان بەخۆپیشاندان هێنا.
لەئەگەری چارەسەنەكردنی كێشەی كارەبا و نەبردنەسەری بەڵێنەكانیان، خەڵكی ناوچەكە ئاماژەیان بەوەدا دوبارە ڕێگاكە دادەخەنەوە خۆپیشاندان ئەنجام دەدەن.
هاوكات لەگەڵ گەیشتنیان بەشوێنی خۆپیشاندان هێزەكانی ئاسایش ڕێگریان لە كەناڵەكانی ڕاگەیاندن كرد ڕوماڵی خۆپیشاندانەكە بكەن.
لە تۆڕە کۆمەڵایەتیەکان شەیری بکە