6 کاتژمێر پێش ئێستا
40 جار خوێنراوەتەوە
میدیاى ئیسڕائیلی: ئەو تونێلانەی لە غـ.ەززە لەناویان دەبرێن، دروستدەکرێنەوە
پەیام
سوپای زایۆنی بانگەشەی لەناوبردنی هەشت كیلۆمەتر تونێل لە غەززە دەكات، بەرپرسانی سەربازیش دەڵێن ئەو تونێلانەی لەناوی دەبەن حەماس دروستی دەكاتەوە.
ئەفیخای ئەدرەعی، وتەبێژی سوپای داگیركەری زایۆنی بانگشەی ئەوەی كرد، لە ناوچەی خان یونس لە غەززە توانیویانە بە درێژیی هەشت كیلۆمەتر تونێلی ژێر زەوی لەناو ببەن.
لە بەرانبەردا كەناڵی 12ی ئیسڕائیلی لە زاری چەند بەرپرسێكی سەربازیی قەوارەكەوە ڕایگەیاندووە، ئەندامانی حەماس سەرقاڵی لێدان و دروستكردنی تونێلی نوێن لەو ناوچانەی كە سوپای ئیسڕائیلی چالاكە و شەڕیان تێدا دەكات، تا ئێستاش لەسەدا 15 بۆ 20 ی تونێلەكانی شەڕكردنیان نوێ كردووەتەوە.
ئەو بەرپرسە سەربازییانەی قەوارەی داگیركەر دەڵێن، ئەو تونێلانەی كە بۆ هێرشكردنە سەر هێزەكانی سوپا بەكاردەهێنرێن پێشتر ڕووخاندن و لەناوبردنیان ڕاگەیەنراوە، چەكدارانی حەماس تا ئێستا زیاتر لە 10 جار لەو تونێلانەوە هێرشیان كردووەتە سەر هێزەكانمان كە پێشتر لەناومان بردوون.
لە تۆڕە کۆمەڵایەتیەکان شەیری بکە