تەیف سامی بۆ شاندی هەرێم: بە دوو مەرج مووچەی مانگی حەوت دەنێرم

پەیام

میدیای عێراقی ئاشكرای دەكات، وەزیری دارایی عێراق بە شاندی هەرێمی وتووە، هەتا هەناردەی نەوت دەست پێ نەكاتەوە و داهاتی نانەوتی ڕادەست نەكەن مووچەی مانگی حەوت نانێرن.

سایتی بەغدادولیەوم لە زاری سەرچاویەەكی ئاگادارەوە بڵاوی كردووەتەوە، لە دوایین كۆبوونەوەی تەیف سامی، وەزیری دارایی حكومەتی فیدڕاڵ و شاندی حكومەتی ماوەبەسەرچووی هەررێمی كوردستاندا، تەیف سامی بە شاندەكەی هەرێمی وتووە: ئێمە ئامادەین مووچەی مانگی حەوت بنێرین بەڵام مەرجی سەرەكیمان بۆ ناردنی مووچە هەیە.

بەپێی زانیارییەكان، تەیف سامی ڕایگەیاندووە: مووچەی مانگی تەمموز نانێردرێت بە دوو مەرج نەبێت، مەرجی یەكەم ئەوەیە كە بڕی دیاریكراو لە نەوتی هەرێمی كوردستان ڕادەست بكرێت و دەست بە هەناردەكردن بكرێتەوە. هەروەها مەرجی دووەمیش ئەوەیە كە لەسەدا 50 ی كۆی داهاتی نانەوتی ڕادەستی بەغداد بكرێت بە داهاتی دەروازە سنوورییەكان و گومرگ و باج و هاتوچۆ  و تەندروستی و ئاو و كارەباوە.

ئەمەش لە كاتێكدایە مانگی ئەیلوول دەستی پێ كردووە و هێشتا دابەشكردنی مووچەی مانگی حوزەیران تەواو نەبووە. تا ئێستاش حكومەتی ماوەبەسەرچوو بە تەواوی پابەندییەكانی بەرانبەر بەغداد جێبەجێ نەكردووە، بەو هۆیەوە چارەنووسی مووچەی دوو مانگی ڕابردوو بە نادیاری ماوەتەوە.