بڕیارە سبەی تیروپشک بۆ ناوی حاجییانى 2026 ئەنجامبدرێت

پەیام

بڕیارە سبەی تیروپشک بۆ ناوی ئەو کەسانە بکرێت کە بۆ وەرزی حەجی 2026 خۆیان تۆمارکردووە.

ئەمڕۆ 15ى 11ى 2025، کاروان ستونی، وتەبێژی بەڕێوەبەرایەتیی حەج و عەمرەی هەرێمی کوردستان رایگەیاند، "ئامادەکارییەکان بە کۆتا گەیشتوون بڕیارە سبەی کاتژمێر 11:00ی پێشنیوەڕۆ تیروپشک بۆ ناوی ئەو کەسانە بکرێت کە بۆ وەرزی حەجی 2026 خۆیان تۆمارکردووە".

ئاماژەی بەوەشکرد، "ئەمساڵ بۆ یەکەمجار ناو تۆمارکردن بۆ فەریزەی حەج بە شێوەی ئەلیکترۆنی بەڕێوەچووە، لەبەر تازەیی سیستمەکە پرۆسەی وردبینی و پێداچوونەوەی ناوەکان و رێکارەکانی دیکە ماوەیەکی زیاتری خایاند، بۆیە ئەنجامدانی تیروپشکەکە بۆ ئەمساڵ کەمێک دواکەوتووە".

ڕاشیگەیاند: ئەمساڵ نزیکەى 90 هەزار کەس ناویان بۆ بەجێگەیاندنی فەریزەی حەجی ساڵی 2026 تۆمارکردووە و لەو ڕێژەیەش زیاتر لە پینج هەزار کەسیان لە ڕێگەى تیروپشکەوە دیاریی دەکرێن کە بڕیارە سبەینێ ئەنجامبدرێت.