بەهۆی ڕێکەوتنی ئێران و ئەمریکا بازاڕ و پشکی کۆمپانیاکان بەرز بوونەوە

پەیام
بەپێی میدیاکانی ئەورووپا پشکەکانی «ستۆکس ٦٠٠»ی ئەورووپی لە مامەڵەکانی ئەمڕۆ دووشەممەدا گەیشتە ئاستێکی پێوانەیی نوێ، ئەمەش دوای ڕێککەوتنی سەرەتایی نێوان ئەمریکا و ئێران بۆ کردنەوەی گەرووی هورمز کە بووە هۆی بەرزبوونەوەی زۆربەی کەرتە دارایییەکان. 
تا کاتژمێر ١٥: ١٢ بە کاتی مۆسکۆ، بۆرسەکانی ئەورووپا بەرزبووەوە و گەیشتە ٦٣٧ خاڵ، دوای ئەوەی لە سەرەتای مامەڵەکاندا بۆ یەکەمجار ئاستی  ٩٤ خاڵی تۆمارکرد. 
 ئەم بازدانە زۆربەی کەرتەکانی گرتەوە، بە شێوەیەک پشکی کۆمپانیاکانی ئۆتۆمبێل بە ڕێژەی لەسەدا ٥. ٣ بەرزبوونەوە، لە کاتێکدا پشکی کۆمپانیاکانی فڕۆکەوانی وەک "لوفتهانزا" و "ئێر فرانس" کە کاریگەرن بە نرخی وزەوە، بە ڕێژەی زیاتر لە لەسەدا ٥ بۆ هەر دانەیەکیان سەرکەوتن. 
ئەم گۆڕانکارییە ئەرێنییە لە کاتێکدایە کە بازاڕەکانی ئەورووپا لە دوای ئازاری ٢٠٢٦ەوە لە دواوەی بازاڕەکانی ئەمریکا و ئاسیاوە بوون، کە هۆکارە سەرەکییەکەی بۆ پشتبەستنی قورسی ئەورووپا بە گەرووی هورمز دەگەڕایەوە بۆ دابینکردنی پێداویستییە نەوتییەکانی. 
بەپێی زانیارییەکانی کۆمەڵەی بۆرسەکانی لەندەن، سەرباری ئەم گەشەسەندنە کاتییەی بازاڕ، بازرگانان پێشبینی دەکەن بانکی ناوەندی ئەورووپی بەهۆی نیگەرانییە بەردەوامەکانی هەڵاوسانەوە، جارێکی دیکە و بەر لە کۆتایی هاتنی ئەمساڵ ڕێژەی سوود بە بڕی ٢٥ خاڵی بنەڕەتی دیکە بەرزبکاتەوە.