کامیان قورسترن؟ کۆمەڵەی یەکەم یان کۆمەڵەی دووەم؟

شیکاری وەرزشی

پاش ڕاکێشانی تیروپشکی قۆناغی کۆمەڵەکانی چامپیۆنسلیگ دوو کۆمەڵە تا ڕادەیەک جیاواز لە شەش کۆمەڵەکەی دیکە وەک کۆمەڵەی بەهێز و ئاگرین لێکدانەوەیان بۆ دەکرێت، هەردوو کۆمەڵەکەش یانەی پاڵێوراوی نازناوەکەی لە خۆی گرتووە و ئەمەش وایکردووە جیاکردنەوەی قورسترین کۆمەڵە تا ڕادەیەک ئاسان نەبێت.

 کۆمەڵەی یەکەم: مانسیتی و پاریس سانجێرمان و لایبزیگ و کلوب بروج
کۆمەڵەی دووەم: ئەتلەتیکۆ مەدرید و لیڤەرپووڵ و پۆرتۆ و ئەیسی میلان

دەتوانم بڵێم تۆکمەی و ئامادەیی هەردوو یانەی ئەتلەتیکۆ مەدرید و لیڤەرپووڵ لە کۆمەڵەی دووەم تا ڕادەیەک یەکسانە بە تۆکمەیی و ئامادەیی هەردوو یانەی مانچستەر سیتی و پاریس سانجێرمان.

دواتر ئەگەر سەرنج لە یانەکانی دیکە بدەین، لە کۆمەڵەی دووەم دەتوانم بڵێم توانا و پێکهاتەی ئەیسی میلانی ئێستا تا ڕادەیەک لە توانا و پێکهاتەی یانەی لایبزیگی کۆمەڵەی یەکەمەوە نزیکە.

ئەوەی جیاوازییەکە دروست دەکات لێرەدا یانەی چوارەم و کۆتاییە، یانەی پۆرتۆی پۆرتوگالی چ لە ڕووی ئەزموون و چ لە ڕووی پێکهاتەوە لە یانەی کلوب بروج قورستر و بەهێزترە، بۆیە بوونی یانەی پۆرتۆ لە کۆمەڵی دووەم بەرانبەر یانەی کلب بروج لە کۆمەڵەی یەکەم وادەکات بڵێم کۆمەڵەی دووەم لە کۆمەڵەی یەکەم بەهێزترە.
بڕیار تەها