پوختەی چەند تاکتیکێکی تۆپی پێ

تاکتیکەکانی تۆپی پێ زۆرن، هەریەکەیان سوود و زیانەکانی خۆی هەیە. لێرەدا چەند تاکتیکێکی باو دەخەینەڕوو:

1-تاکتیکی 4-4-2: ئەم تاکتیکە یەکێکە لە باوترین و کۆنترین تاکتیکەکانی تۆپی پێی٫ پێکدێت لە ڕیزکردنی چوار بەرگریکار و چوار یاریزانی ناوەڕاست و دوو هێرشبەر. ئەم شێوازە تاڕادەیەکی باش گونجاوە بۆ زۆینەی یارییەکان چونکە ڕاهێنەر دەتوانێ هەم سیتەمی بەرگری بپارێزی و هەمیش لایەنی هێرشبەری فەرامۆش نەکات بەمەرجێ توانای جەستەیی تیپەکە لەئاستێکی باش دابێت.

2-تاکتیکی 3-5-2: ئەم تاکتیکە هێرشبەرترە لە تاکتیکی پێشوو پێکهاتووە لە سێ بەرگریکار و پێنج یاریزانی ناوەڕاست و دوو هێرشبەر کە ڕیزکراون. ئەم پێکهاتەیە هەلی گۆڵکردنی زۆر دروست دەکات، بەڵام تیپەکە لە هێڵی بەرگریدا لاواز دەکات.

3- 4-3-3: ئەم شێوازە پێکهاتووە لە ڕیزبەندی چوار بەرگریکار و سێ یاریزانی ناوەڕاست و سێ هێرشبەر. لەیاری هاوچەرخدا زیاتر ئەم شێوازە پیادە دەکرێ ئەم پێکهاتەیە هەلی گۆڵکردنی زۆر دروست دەکات، بەڵام پێوستەڕاهێنەر بەوردی حساباتی لایەنی بەرگری بکات چونکە شێوازەکە زیاتر هێرشبەرانەیە ئەکەر بە وردی کاری لەسەرنەکرێ تیپەکە لە هێڵی بەرگریدا لاوازدەکات.

4- هێرشی بەرپەرچدانەوە: ئەم تاکتیکە بریتییە لە یاریکردنی بەرگری و سود وەرگرتن لە هەڵەکانی بەرامبەر بۆ دەستپێکردنی هێرشی بەرپەرچدانەوەی خێرا. ئەم تاکتیکە زۆرجار لەلایەن ئەو تیپانە بەکاردەهێنرێت کە یاریزانی خێرا و تەکنیکییان هەیە ودەتوانن سوود لەتۆپە هەڵگەڕاوەکان وەردەگرن.

5- های پرێس: ئەم تاکتیکە بریتیە لە فشارخستنە سەر یاریزانی بەرامبەر هەر کە تۆپەکەی لەلا بوو٫ بۆ ئەوەی ناچاری بکەیت هەڵە بکات. ئەم تاکتیکە زۆرجار لەلایەن ئەو تیپانەی کە توانای جەستەیی یاریزانەکانیان لەئاستێک بەرزدایە بەکاردەهێنرێت.

6- یاری گرتن: ئەم تاکتیکە بریتییە لە ڕاگرتنی تۆپ بۆ ماوەیەکی زۆر بۆ ئەوەی یاریزانی بەرامبەر ماندوو بکات و بۆشایی دروست بکات. ئەم تاکتیکە زۆرجار لەلایەن ئەو تیپانە بەکاردەهێنرێت کە یاریزانی تەکنیکی و زیرەکیان هەیە و توانای پاسات و کۆنترۆڵی تۆپیان زور باشە لەکۆتایی ڕاهێنەر بەگوێرەی یاریزانانی تیپی بەرامبەر و شێوازی یاریزانەکان و بارودۆخی کەشوهەوا، دەتوانێت گونجاوترین تاکتیک هەڵبژێرێت بۆ بردنەوەی یارییەکە.