چی کاتێک پێویستە سەردانی پزیشکی دەروونی بکەیت؟

هەموومان توشی گرفت و نارەحەتی دەروونی دەبین، جارجارە نیشانەی دەروونیمان دەبێت وەکو دڵتوندی، دڵەراوکێ، ترس و تۆقین، دوودڵی، بێخەوی، توڕەیی و هەڵچوون، نائارامی، بێئۆقرەیی، تێکچوونی تەرکیز و بیرچونەوە، بەدگومانی، هەڵوەستە، زۆربیرکردنەوە .. هتد، دەتوانین بەسەریدا زاڵبین یان بۆ ماوەیەکی کاتی و کەمە.

بەڵام ئەگەر ئەم خاڵانە لە خۆماندا، یان کەسانی نزیکماندا هەبوو، ئەوە باشترە سەردانی پزیشکی دەروونی بکەیت:
١ـ  بە توندی توشی نیشانەکان ببیت و نەتوانیت زاڵبیت بەسەریاندا.
٢ـ  نیشانەکانت بۆ ماوەیەکی دریژ هەبێت، ئەگەر نیشانە دەروونییەکان بۆماوەیەکی زۆر لە گەڵت مانەوە و هەر باشنەبوویت، بۆنموونە زیاتر لە ٢ هەفتە خەمۆکیت هەبێت، یان دڵەوکێیەکی زۆر لە چەند مانگێک زیاتر هەبێت.
٣ـ  ئەگەر بەهۆی نیشانەکانەوە توشی کێشەی کەسی، خێزانی، کۆمەڵایەتی، یاسایی، بووبیت.
٤ـ  لە ناخەوە بەهۆی ئەو نیشانەوە هەست بە بێزاریییەکی زۆربکەیت و بەردەوام نامورتاح بیت.
٥ـ  ئەگەر خۆی هەوڵیدا نیشانەکە چارەسەر بکات و نەیتوانی، یان لەگەڵ چارەسەرکاری دەروونیش بۆی چارەسەرنەکرا.
ئەم خاڵانە بەگشتیی بۆ ئەوەن کە مرۆڤ بزانێت کەی پێویستە سەردانی پزیشکی دەرونی بکات، مەرج نییە کەسەکە نەخۆشبێت لەوانەیە کێشەیەکی ئاسایی هەبێت.

د. جەعفەر عومەر
پزیشکی پسپۆڕی دەروونی