1 رۆژ پێش ئێستا
105 جار خوێنراوەتەوە
سودانی: سووتانی غازی بەهەدەرچوو سامانی نیشتمانی بەفیڕۆداوە و پێویستى بە چارەسەرە
پەیام
بەهۆی ڕاگرتنی هەناردەكردنی غازی ئێرانەوە، سەرۆكوەزیرانی عێراق جەخت دەكاتەوە، نزیكەی چوار هەزار مێگاوات كەمی لە كارەبادا هەیە.
محەمەد شیاع سودانی سەرۆكوەزیرانی عێراق لەمیانی كردنەوەی وێستگەی ناوەندی بۆ چارەسەری غاز لە كێڵگەی فەیحای نەوتی لە پارێزگای بەسرە ڕایگەیاند: سووتانی غازی بەهەدەرچوو، بووەتە هۆی بەفیڕۆدانی سامانی نیشتمانی، پێویستە لەسەر پسپۆڕان چارەسەرێك بۆ ڕاگرتنی ئەو بە هەدەر چوونە و كاریگەرییە ژینگەییەكانی بدۆزنەوە.
سودانی ڕایشیگەیاند: گەیشتن بە هەزار مێگاوات دەستكەوتێكی گرنگە بۆ بەرهەمهێنانی وزە و ڕاگرتنی بەهەردەچوون، بەتایبەتی لە وەرزی هاویندا، ڕونیشیكردەوە، بەهۆی ڕاگرتنی هەناردەی غازی ئێرانەوە، نزیكەی چوار هەزار میگاوات كەمیی لە كارەبادا هەیە.
لە هەمان كاتدا بریكاری وەزارەتی نەوتی عێراق ڕایگەیاند: عێراق ئامانجی فراوانكردنی پڕۆژەكانی وزەی خۆری هەیە، بۆ گەیشتن بە 12 هەزار میگاوات لە بەرهەمی وزە تاوەكو ساڵی 2030، ئەوەش لەچوارچێوەی هەوڵەكاندا بۆ هەمەچەشنكردنی تێكەڵەی جۆرەكانی وزە و كەمكردنەوەی پشتبەستن بە سوتەمەنی بەردینی.
لە تۆڕە کۆمەڵایەتیەکان شەیری بکە