پێش 3 هەفتە
206 جار خوێنراوەتەوە
کاتى دابەشکردنى مووچەى مانگى شەش بە نادیاریی ماوەتەوە
پەیام
لە ناوەڕاستى مانگى هەشت نزیکدەبینەوە و هێشتا مووچەى مانگى شەشى مووچەخۆرانى هەرێمى کوردستان دابەشنەکراوە و کاتى دابەشکردنەکەشى بە نادیاریی ماوەتەوە.
قەیرانی مووچەی فەرمانبەرانی هەرێمی كوردستان هێشتا چارەسەر نەكراوە و جێگری سەرۆكی ئەنجومەنی نوێنەرانی عێراقیش دەڵێت، لەسەر پرسی نەوت ڕێككەوتن كراوە.
شاخەوان عەبدوڵڵا، جێگری سەرۆكی ئەنجومەنی نوێنەرانی عێراق ڕایگەیاندووە، هێشتا داهاتی نانەوتی، خاڵی ناكۆكی نێوان هەرێمی كوردستان و بەغدایە، بەڵام لەسەر پرسی نەوت ڕێككەوتن كراوە و كۆتایی پێهاتووە.
ئەمە لەكاتێكدایە هێشتا هەرێمی كوردستان نەوتی ڕادەستی بەغدا نەكردووە و، پرسی مووچەی فەرمانبەرانی هەرێمیش بە هەڵپەسێدراوی ماوەتەوە.
لە تۆڕە کۆمەڵایەتیەکان شەیری بکە