12 کاتژمێر پێش ئێستا
141 جار خوێنراوەتەوە
كوژرانی سەرۆكی حكومەتى یەمەن و ژمارەیەك وەزیرى پشتڕاستکرایەوە
پەیام
حوسییەكانی یەمەن كوژرانی سەرۆكی حكومەتەكەی و ژمارەیەك وەزیری لە هێرشێكی قەوارەی زایۆنی پشتڕاست كردەوە.
لە ڕاگەیەنراوێكدا، سەرۆكایەتی كۆماری یەمەن كوژرانی ئەحمەد غالیب ڕەهەوی سەرۆكوەزیرانی حكومەتی حوسییەكان كە بە حكومەتی (گۆڕانكاری و بنیاتنانەوە) ناسراوە، لەگەڵ ژمارەیەك وەزیری لە ئەنجامی زنجیرەیەك هێرشی سوپای قەوارەی زایۆنی بۆ سەر سەنعای پایتەخت لە ڕۆژی پێنجشەممەی هەفتەی ڕابردوو ڕاگەیاند.
سەرۆكایەتی كۆماری یەمەن دوابەدوای ڕاگەیاندنی كوژرانی سەرۆكی حكومەت و ژمارەیەك لە وەزیرەكانی ئاماژەی بەوەشدا، كە حكومەتی كاربەڕێكەر بە سەرۆكایەتی محەممەد ئەحمەد میفتاح جێگری یەكەمی سەرۆكوەزیران لەسەر كارەكانی بەردەوام دەبێت.
ڕۆژی پێنجشەممە سوپای قەوارەی زایۆنی زنجیرەیەك هێرشی ئاسمانیی كردە سەر سەنعای پایتەختی یەمەن، كە لەلایەن حوسییەكانەوە بەڕێوەدەبرێت، دوابەدوای زنجیرە هێرشەكەش ژمارەیەك سەرچاوەی هەواڵ كوژرانی ئەحمەد غالیب ڕەهەوی سەرۆكوەزیران و ژمارەك كەس كە لەگەڵیدا بوون، بڵاو كردەوە.
دواتریش سوپای قەوارەی زایۆنی ڕایگەیاند، كە ئامانج لە هێرشەكە كوشتنی سوپاسالاری حوسییەكان بووە، بەڵام چاوەڕی دەرەنجامی كۆتایین.
لە تۆڕە کۆمەڵایەتیەکان شەیری بکە