پێش 3 هەفتە
189 جار خوێنراوەتەوە
عێراق ڕێگایه‌كی دیكه‌ی بۆ هه‌نارده‌ی نه‌وت ده‌سته‌به‌رده‌كات
په‌یام
وه‌زیری وزه‌ی سوریا له به‌غدا له‌گه‌ڵ وه‌زیری نه‌وتی عێراق كۆبووه‌وه و تاوتوێی دووباره هه‌نارده‌كردنی نه‌وتی عێراقیان له ڕێی به‌نده‌ری بانیاسی سووری كرد.
محه‌مه‌د به‌شیر وه‌زیری وزه‌ی سووریا، ئاماژه‌ی به‌وه دا كه وڵاته‌كه‌ی مانگانه پێویستی به هاورده‌كردنی نزیكه‌ی سێ ملیۆن به‌رمیل نه‌وتی خاو هه‌یه بۆ پڕكردنه‌وه‌ی پێداویستییه‌كانی ناوخۆ و، جه‌ختی له گرنگیی زیندووكردنه‌وه‌ی هێڵی نه‌وتی نێوان هه‌ردوو وڵات كرده‌وه.
له به‌رامبه‌ردا، وه‌زیری نه‌وتی عێراق ئاره‌زووی وڵاته‌كه‌ی بۆ كاراكردنه‌وه‌ی هێڵه‌كه نیشاندا و به ده‌رچه‌یه‌كی نوێی هه‌نارده‌كردنی نه‌وتی عێراقی وه‌سفیكرد، به‌تایبه‌ت له‌ژێر ڕۆشنایی ڕووداوه‌كانی ناوچه‌كه‌دا، به‌ڵام هێڵی كۆنی گواستنه‌وه‌ی نه‌وتی كه‌ركوك-بانیاس ته‌مه‌نی به‌سه‌رچووه، بۆ ئه‌م مه‌به‌سته، عێراق پێشنیازی كرد پشت به لایه‌نێكی پسپۆڕ ببه‌سترێت بۆ هه‌ڵسه‌نگاندنی دۆخی ئێستا، له كاتێكدا لایه‌نی سوری پێیوابوو دروستكردنی هێڵێكی نوێ له‌پاڵ نۆژه‌نكردنه‌وه‌ی هێڵه كۆنه‌كه‌دا سوودی ئابووریی زیاتری ده‌بێت.
لە تۆڕە کۆمەڵایەتیەکان شەیری بکە