مامۆستا عەلی باپیر کۆبوونەوەیەکى گرنگ لەگەڵ سەرکردەکانى حەماس ئەنجام دەدات

پەیام

مامۆستا عەلی باپیر و شاندی یاوەری، دیداریان لەگەڵ بەڕێز د. فەوزی بەرهوم، سەرکردە و وتەبێژی بزووتنەوەی بەرگری ئیسلامی (حەماس)، و بەڕێز ئەندازیار مونیر سەعید و ژمارەیەک لە سەرکردەکانی دیکەی بزووتنەوەکە ئەنجام دا.

لە کۆبوونەوەکەدا، گرنگیی یەکڕیزی و هاودەنگیی موسڵمانان لە بەرەنگاربوونەوەی داگیرکاری ئیسڕائیلی و کارەساتە مرۆییەکانی شەڕی غەززە خرایە ڕوو. بەتایبەت تیشک خرایە سەر لێکەوتە قورسەکانی شەڕی دوو ساڵەی سەر غەززە، لەوانە:

•  هەنگاوەکانی ئاگربەست.

•  پرسی منداڵانی بێدایک و باوک و بێسەرپەرشت.

•  قەیرانی گەمارۆی سەر غەززە و سیاسەتی برسیكردنی دانیشتوانەکەی، کە وەک مەترسیدارترین چەک دژی گەلی خۆڕاگری کەرتی غەززە بەکاردێت.

هەروەها، ڕۆڵی گرنگی ڕێکخراوەکانی گەیاندنی یارمەتی مرۆیی بەرز نرخێندرا و ستایشی هەوڵەکانیان کرا.