داهاتی ئەم هەفتەیەی سلێمانی نزیكەی 15 ملیار دینار كەمیكردووە

پەیام 

بەراورد بە هەفتەی ڕابردووتر، داهاتی هەفتانەی سلێمانی نزیكەی 15 ملیار دینار كەمی كردووە.

ماڵپەڕی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان كە نووسینگەی جێگری سەرۆكی حكومەتی ماوەبەسەرچوو سەرپەرشتی دەكات، داهاتی هەفتەی ڕابردووی بڵاوكردەوە، کە نزیکەى 12 ملیار دینارە.

بە پێی ماڵپەڕەكە داهاتی هەفتەی ڕابردوو، 11 ملیار و 803 ملیۆن و 514 هەزار و 401 دینار بووە و %78ی داهاتەكە بەشێوەی نەختینەیە و ئەوەی دیكەشی بە چەك بووە.

داهاتی ئەم هەفتەیەش بەراورد بە هەفتەی ڕابردوو، نزیكە 15 ملیار دینار كەمی كردووە، كە 26 ملیار و 649 ملیۆن و 231 هەزار و 661 دینار بووە.