5 کاتژمێر پێش ئێستا
209 جار خوێنراوەتەوە
بەخشین ئاوی پاكی بەسەر ئەو ماڵانەدا دابەش كرد كە 13 ڕۆژە بێ ئاون
پەیام
تا دێت خزمەت و بەسەركردنەوە و هاوكارییەكانی دەزگای بەخشین بۆ خەڵكی لێقەوماوی چەمچەماڵ هەمەچەشن و زیاتر دەبێت و لە تازەترین كاریاندا ئاوی پاكیان بەسەر دانیشتووانی شارەكە دابەشكرد.
سەرەڕای لافاوەكەی هەشت و نۆی ئەم مانگە، بەڵام زیاتر لە 13 ڕۆژە بەشێك لە گەڕەكەكانی چەمچەماڵ ئاوی خواردنەوەیان بۆ هەڵنەكراوە و بەو هۆیەوە پێویستییەكی زۆریان بە ئاوی پاكژ هەیە.
سەرەڕای پێویستی هەموو هاووڵاتییەك بە ئاوی پاكژ، بەڵام بۆ دانیشتووانی شاری چەمچەماڵ پێویستییەكی زۆر لەوە زیاترە، بەو پێیەی پاككردنەوەی ماڵ و شەقام و كەلوپەلەكان پێویستی بە ئاو هەیە.
بەرپرسی ئەنجوومەنی چەمچەماڵی كۆمەڵی دادگەری دەڵێت: خزمەتەكانیان بەردەوام دەبێت تا ئەو كاتەی دانیشتوانی شارەكە پێویستی بە ئەوان بمێنێت.
لە تۆڕە کۆمەڵایەتیەکان شەیری بکە