2 کاتژمێر پێش ئێستا
127 جار خوێنراوەتەوە
سەرۆكی ڤەنزوێلا دەرگای دانوستان بۆ واژۆكردنی ڕێككەوتن لەگەڵ ئەمریكا دەكاتەوە
پەیام
سەرۆكی ڤەنزوێلا، ئامادەیی وڵاتەكەی بۆ دانوستان و گەیشتن بە ڕێككەوتن لەگەڵ ویلایەتە یەكگرتووەكانی ئەمریكا ڕاگەیاند.
نیكۆلاس مادورۆ، سەرۆكی فەنزوێلا لە لێدوانێكی فەڕمییدا بۆ تەلەفزیۆنی وڵاتەكەی، گڵۆپی سەوزی بۆ دانوستان بۆ ڕێككەوتن لەگەڵ ویلایەتە یەكگرتووەكان سەبارەت بە ڕووبەڕووبوونەوەی بازرگانیكردن بە ماددە هۆشبەرەكان هەڵكرد، وتیشی: ڤەنزوێلا بۆ دانوستان كراوەیە، بە مەرجێك حكومەتی ئەمریكا ئارەزوویەكی لەو شێوەیە نیشان بدات.
سەرۆكی ڤەنزوێلا ڕایشیگەیاند: ئاشكرایە ئەوان دەیانەوێت لە ڕێگەی هەڕەشە، تۆقاندن و بەكارهێنانی هێزەوە ئیرادەی خۆیان بسەپێنن، جەختیشی كردەوە، كاتی ئەوە هاتووە واشنتۆن و كاراكاس دەست بە گفتوگۆیەكی جیدی و بەرپرسیارانە بكەن.
هاوكات، مادۆرۆ ئاماژەی بەوەش دا، وڵاتەكەی لە هەر كاتێكدا بێت، ئامادەی وەبەرهێنانە لە كەرتی نەوتدا، بەو شێوازە و لەو شوێنەی ویلایەتە یەكگرتووەكان دەیەوێت.
بەگوێرەی ڕاپۆرتە میدیاییەكانی ئەمریكا، لە سەرەتای مانگی ئەیلوولی ڕابردووەوە، سوپای ئەمریكا لانی كەم 26 هێرشی كردووەتە سەر ئەو بەلەمانەی كە بانگەشەی ئەوە دەكات ماددەی هۆشبەریان لە ناوچەی دەریای كاریبی و ڕۆژهەڵاتی زەریای هێمن گواستووەتەوە؛ ئەم هێرشانەش بوونە هۆی كوژرانی لانی كەم 104 كەس، ئەو كارەش لە نێوەندە نێودەوڵەتییەكاندا مشتومڕێكی بەرفراوانی لەسەر پرسی "كوشتن لە دەرەوەی یاسا" دروست كردووە.
لە تۆڕە کۆمەڵایەتیەکان شەیری بکە