22/02/2026
467 جار خوێنراوەتەوە
عێراق.. دابەشکردنى مووچەى مانگى شوبات دەستپێدەکات
پەیام
وەزارەتی دارایی
عێراق دەستی بە پارەداركردنی مووچەی مووچەخۆرانی دەوڵەت و هێزە ئەمنییەكان بۆ مانگی
شوبات كرد.
لە ڕاگەیەنراوێكدا،
وەزارەتی دارایی و ئابووریی عێراق ئاشكرای كردووە "فەرمانگەی ژمێریاری دەستی
كردووە بە ڕەوانەكردنی تەرخانكراوە داراییەكان بۆ سەرجەم وەزارەت و دامەزراوەكان و
یەكە خەرجییەكان، لەگەڵ مووچەی سەرجەم بەشەكانی هێزە ئەمنییەكان، بە مەبەستی دابەشكردنیان
لە ڕێگەی بانكە حكومی و تایبەتەكانەوە".
وەزارەتی دارایی
ئاماژەی بەوەش كردووە كە خەرجكردنی مووچەكان لە بانكەكانەوە بە شێوەی كرداری دەست
پێدەكات، داوایش لە یەكە خەرجییەكانی نێو سەرجەم فەرمانگەكان دەكات، سەردانی بانكەكان
بكەن بۆ وەرگرتنی چەكەكان، یان چالاككردنی پارەداركردنی ئەلیكترۆنی، تا مووچەكان بە
خێرایی و بەبێ دواكەوتن دەگەنە دەستی فەرمانبەران.
دەستپێكردنی
مووچەی مانگی دووی عێراق لە كاتێكدایە مووچەی فەرمانبەرانی هەرێم، بەهۆی درەنگ
ناردنی 120 ملیار دیناری داهاتی نانەوتی بۆ مانگی یەك دوا كەوت، ئەم مانگەش تا ئێستا
دەست نەكراوە بە ئامادەكاری ناردنی تا هاوشێوەی مانگی ڕابردوو مووچە دوا نەكەوێت.
لە تۆڕە کۆمەڵایەتیەکان شەیری بکە