02/06/2026
406 جار خوێنراوەتەوە
كۆمەڵەی پێشمەرگە دێرینەكانی كوردستان سەردانی كۆمەڵی دادگەریی كوردستان دەكات
پەیام:
پێشنێوەڕۆى ئەمڕۆ 2ـی حوزه‌یرانی 2026 وەفدێكی باڵای كۆمەڵەی پێشمەرگە دێرینەكانی كوردستان، كە پێكهاتبوون لە جەمیل هەورامی سەرۆكی كۆمەڵەكه و دەستەیەك لە ئەندامانی ئەنجومەنی باڵا، بە مەبەستی پیرۆزبای ساڵیادی ڕاگەیاندنی كۆمەڵی دادگەریی كوردستان سەردانی مەكتەبی سیاسی كۆمەڵی دادگەرییان كرد لە شاری سلێمانی.
وەفده‌كه لە لایەن محەمەد حكیم و كاك شێخ فەخرەدین ئەندامانی مەكتەبی سیاسی و عەبدولڕەحمان ئەحمەد نوێنەری ئەندامی ئەنجومەنی باڵای كۆمەڵەی پێشمەرگە دێرینەكان و شەریف وەرزێر بەرپرسی مەكتەبی شەهیدان و پێشمەرگە دێرینەكان پێشوازییان لێکرا.
وەفدی میوان خەبات و خزمەتی كۆمەڵی دادگەریان بەرزنرخاند لە خەباتی رزگاری خوازی كوردستان و سەرجەم بوارەكاندا.
لە لایەن كۆمەڵی دادگەریی كوردستانیشەوە دەستخۆشی لە كۆمەڵەی پێشمەرگە دێرینەكان كرا لە بارەی هەوڵ و تێكۆشانیان لە پێناو خرمەتی پێشمەرگە دێرینەكان و لایەنە سیاسیەكاندا.
لە تۆڕە کۆمەڵایەتیەکان شەیری بکە