2 کاتژمێر پێش ئێستا
92 جار خوێنراوەتەوە
وەزیری بازرگانیی عێراق لە هەولێر: زۆرترین گەنمی جووتیاران وەردەگرین
پەیام
وەرگرتنی گەنمی جووتیارانی هەرێمی كوردستان لە هەولێرەوە دەستی پێ كرد و بۆ ئەو مەبەستەش بۆ یەكەمجار وەزیری بازرگانیی عێراق ئامادەی پرۆسەكە بوو.
لەوبارەیەوە مستەفا نزار وەزیری بازرگانیی عێراق لە سایلۆی هەولێر ڕایگەیاند ڕووبەری چێندراوی گەنم لە هەرێمی كوردستان زۆر لەو پلانە فراوانترە كە بۆی دانراوە، بۆیە پێویستیان بە وەرگرتنی بڕی زیاتر دەبێت.
لەلایەكی دیكەشەوە سەروەر كەمال بریكاری وەزارەتی بازرگانیی هەرێم لە كۆنگرەیەكی ڕۆژنامەوانیدا وتی 400 هەزار تەن گەنم بۆ هەرێمی كوردستان دیاری كراوە بۆ وەرگرتنی لە جووتیاران، كە 292 هەزار تەنیان لەناو پلاندا و بە نرخی 700 هەزار، هەروەها 108 تەنیشیان بە نرخی 500 هەزار و لە دەرەوەی پلاندا وەردەگیرێن.
لە تۆڕە کۆمەڵایەتیەکان شەیری بکە