2 کاتژمێر پێش ئێستا
136 جار خوێنراوەتەوە
داوا لە ئێران دەکرێت کۆتایی بە هێرشەکانى بۆ سەر هەرێمى کوردستان بهێنێت
پەیام
حکومەتى ماوەبەسەرچووى هەرێم لە ڕاگەیەندراوێكدا داوا لە ئێران دەکات کۆتایی بە هێرشەکانى بۆ سەر هەرێمى کوردستان بهێنێت.
ئەوەشى خستووەتەڕوو، "هێرشە بێ پاساوەکانی کۆماری ئیسلامیی ئێران بۆ سەر هەرێمی کوردستان شەرمەزار دەکەین و بەردەوامیی ئەم هێرشانە، سەقامگیریی تەواوی ناوچەکە تێک دەدات".
دەشڵێت، داوا لە کۆماری ئیسلامیی ئێران دەکەین، کۆتایی بەم هێرشانە بهێنێت و داوا لە حکومەتی عێراقی فیدراڵ و کۆمەڵگەی نێودەوڵەتییش دەکەین سنورێک بۆ ئەم پێشێلکارییانە دابنێن.
بەرەبەیانی ئەمڕۆ هاوپەیمانان هەشت درۆنی بۆمبڕێژکراویان لە ئاسمانی هەولێر تێکشکاند، هاوكات ئێران بە شەش موشەك زڕگوێزی بۆردومان كرد و بەهۆیەوە نۆ پێشمەرگەی كۆمەڵەی شۆڕشگێڕی ڕۆژهەڵاتی كوردستان گیانیان لەدەستدا.
لە تۆڕە کۆمەڵایەتیەکان شەیری بکە