ئارتێتا نهێنی بردنەوەی نازناوەکان لە لایەن یانەکانی دیکەوە ئاشکرا دەکات

پەیام سپۆڕت - مەڕوان تاڵیب

میکێڵ ئارتێتای ڕاهێنەری ئارسیناڵ ڕایگەیاند، ئەو یانانەی نازناو دەبەنەوە خاوەن باشترین یاریزانەکانی جیهانن و وەڵامی دەنگۆکانی هاتنی ڕۆدریگۆش دەداتەوە.

 لە نوێترین چاوپێکەوتنی ڕۆژنامەوانیدا، ڕاهێنەرەکەی گەنەرز ئاماژەی بەوەکرد، ئەگەر بتەوێت نازناوی گەورە بەدەست بهێنێت پێویستە لە بازاڕی گواستنەوەدا زۆر بەباشی جوڵە بکەیت و یاریزانی دیار بگوازینەوە، ئەو تیپانەی نازناوەکان دەبەنەوە خاوەن باشترین یاریزانەکانی جیهانن بە تایبەتی لە هێڵی هێرشبریدا، پێویستیان بە هێرشبەری گەورە هەیە و دەبێت گۆڵی زیاتر تۆمار بکەن.

سەبارەت بە دەنگۆی هێنانی ڕۆدریگۆ، ئارتێتا ئاشکرای کرد، ناوی هیچ یاریزانێکی دیاریکراو ناڵێت، بەڵام بڕوایان بە یانەکەیان هێناوە وەرزی داهاتوو نازناوی گەورە ببەنەوە ئەوەش لە ڕێگەی هێنانی یاریزانی دیار و زۆر باشەوە دەبێت و پەیوەندیان بە یاریزانە گەورەکانەوە هەیە.

لە کۆتایدا ئارتێتا پیرۆزبایی بردنەوەی نازناوی یۆرۆپالیگی لە تۆتێنهام کرد سەرەڕای ئەو ئەنجامە خراپانەی ئەم وەرزە تووشیان هاتووە.