بەرشەلۆنە مەترسی سزادانی لە لایەن یوفاوە لەسەرە

پەیام سپۆڕت - مەڕوان تاڵیب

یانەی بەرشەلۆنە مەترسی سزادانی لە لایەن یەکێتی تۆپی پێی ئەوروپاوە لەسەر و ڕەنگە لە وەرزی نوێدا خاڵی لێ کەم بکرێتەوە.

 ڕۆژنامەی تایمزی بەریتانی بڵاوی کردووەتەوە، بەرشەلۆنە ڕووبەڕووی سزای تووندی یەکێتیی تۆپی پێی ئەوروپا دەبێتەوە، دوای ئەوەی بۆ دووەم وەرزی لەسەریەک یاساکانی یوفای پێشێلکردووە و زانیاری هەڵەی لە بارەی دارای یانەکەوە داوە.

سەرچاوەکە ئاشکراشی کردووە، وەرزی ڕابردوو بلاوگرانا بە بڕی تەنیا 500 هەزار یۆرۆ سزادرا، بەڵام یوفا بیر لەوە دەکاتەوە بەر لەدەستپێکردنی وەرزی نوێ ژمارەیەک خاڵ لە بەرشەلۆنە کەم بکاتەوە پێش ئەوەی لە چامپیۆنسلیگ یارییەکان ئەنجام بدات، ئەگەر بێتوو پێشێلکارییەکەی بەسەردا ساخ بێتەوە.

جگە لەوەش یوفا ڕەنگە ژمارەی یاریزانانی بەرشەلۆنە لە چامپیۆنسلیگ کەم بکاتەوە و هاوشێوەی یانەکانی دیکە نەتوانن ئەو ڕێژەی دیاریکراوە تۆمار بکەن.

تایمز ڕاشیگەیاندووە، تەنیا بەرشەلۆنە مەترسی لەسەر نییە، بەڵکو یانەکانی چێڵسی و ئەستۆن ڤێلاش پێشێلکاری دارایی هاوشێوەیان ئەنجامداوە، بەڵام ئەمە یەکەمجارە بۆ ئەوان، بۆیە سزاکانی سەر ئەوان تەنیا دارایی دەبێت، هیچ کاریگەرییەکی لەسەر بەشداریکردنی یاریزانان و لێبڕینی خاڵ نابێت.