مارکینیۆس ئامۆژگاری ئانچلۆتی دەکات کە ڕێگای ئینریکی بگرێتە بەر

پەیام سپۆڕت - مەڕوان تاڵیب

مارکینیۆسی بەرگریکاری پاریس سانجێرمان ئامۆژگاری کارلۆ ئانچلۆتی دەکات، پێویستە هەمان ڕێگای ئینریکی بۆ هەڵبژاردەی بەڕازیل بگرێتە بەر.

 لە لێدوانێکی ڕۆژنامەوانیدا، بەرگریکارەکەی سیلیساو دەڵێت: کاتێک نازناوێک دەبەیتەوە زۆر بیر دەکەیتەوە، بەڵام ئەمڕۆ هەمووان یاریزانانی پاریس سانجێرمان و هەڵبژاردەی بەڕازیل دەناسن، تەنیا پێویستە هەموو شتیک لەگەڵ فەلسەفەی تیپەکەدا بگونجێنیت و ڕاهێنەرەکەت ڕوون بێت، گرنگیدان بە کاری هەرەوەزی، کاری تاکەکەسی ئاسانتر دەکات.

مارکینیۆس ئامۆژگاری ئانچلۆتی دەکات هەمان ڕێگای ئینریکی بگرێتە بەر کە لە پاریس سانجێرمان کردوویەتی و ئاماژەی بەوەدا، پاش ڕۆیشتنی مباپێ، بینیان ئینریکی تیپێکی چۆنی دروست کرد، پێویستە کارلۆش لێرە هەمان شت بکات و یاریزانەکانی بناسێت و تواناکانیان بقۆزێتەوە، کاتێک باس لە بردنەوەی مۆندیال یان چامپیۆنسلیگ دەکرێت پێویستە هەموو وردەکارییەکان بچووکەکان لەبەرچاو بگیرێت.

لە کۆتایدا مارکینیۆس وتی: ئانچلۆتی پێشتر توانا و زیرەکی خۆی سەلماندووە، دەزانێت چۆن پشت بە یاریزانەکانی ببەستێت و سوود لە ئاستەکەیان بۆ خزمەتکردنی تیپەکە وەربگرێت.