14 کاتژمێر پێش ئێستا
131 جار خوێنراوەتەوە
خامنەیی: ئیسرائیل هەڵەی گەورەی کرد و لە تۆڵەكردنەوەدا کەمتەرخەمى ناکەین
پەیام
ڕێبەری كۆماری ئیسلامیی ئێران دەڵێ: قەوارەی زایۆنی هەڵەیەكی گەورەی ئەنجام دا و ئاكامەكەی بێچارەی دەكات.
كەمێك لەمەوبەر و لە دووەم لێدوانیدا لەبارەی هێرشەكانی قەوارەی زایۆنی بۆسەر وڵاتەكەی، عەلی خامنەیی ڕێبەری باڵای كۆماری ئیسلامیی ئێران لە پەیامێكی تەلەفزیۆنیدا كە ئاڕاستەی گەلی ئێرانی كرد، ڕایگەیاند: ڕژێمی زایۆنی دوچاری هەڵە و تاوانێكی گەورە بوو كە ئاكامەكانی بێچارەی دەكات.
خامنەیی دڵنیایی بە گەلی ئێرانیش دا كە هێزە چەكدارەكان بە هێزەوە دەسبەكار دەبن و لێدانی قورس لە قەوارەكە دەكەن و ڕژێمەكە بە سەلامەتی ڕزگاری نابێت.
وتیشی: با قەوارەی زایۆنی وا بیر نەكاتەوە كە دەستیان وەشاند و تەواو بوو، كارەكە ئەوان دەستیان پێكرد و جەنگیان هەڵگیرساند، مۆڵەتیان پێنادەین كە لەم تاوانە خۆیان بە سەلامەت ڕزگار بكەن.
خامنەیی لەگەڵ جەختكردنەوە لە وەڵامدانەوەی هێرشەكە وتی: گەل و بەرپرسانی ئێران پشتیوانی هێزە چەكدارەكان دەكەن و بە پشتویانی خوا ئێران بەسەر ڕژێمی زایۆنیدا زاڵ دەبێت.
لەگەڵ پیرۆزبایی و سەرەخۆشیشی لە قوربانیان، دڵنیای دا بە گەلەكەی كە لە زەمینەی تۆڵەكردنەوەدا هیچ كەمتەرخەمییەك ڕوو نادات.
لە تۆڕە کۆمەڵایەتیەکان شەیری بکە