14/06/2025
335 جار خوێنراوەتەوە
ئیسرائیل: زیاتر لە 20 فەرماندەی سەربازیی ئێرانمان كوشتووە
پەیام
سوپای قەوارەی زایۆنی كوشتنی زیاتر لە 20 فەرماندەی سەربازیی ئێرانی ڕاگەیاند.
لە ڕاگەیەنراوێكدا، سوپای قەوارەی زایۆنی ئاشكرایكرد كە لە هێرشی سەرەتای بۆ سەر كۆماری ئیسلامیی ئێران زیاتر لە 20 فەرماندەی سەربازیی كوشتووە.
سوپای زایۆنی لەنێو ئەو فەرماندە سەربازییانەی ئێران كە كوشتوونی بەتایبەت ناوی هەر یەك لە (غولامڕەزا میحرابی) سەرۆكی بەشی هەواڵگری لە دەستەی ئەركانی گشتی هێزە چەكدارەكان و محەممەد باقری فەرماندەی سیستمی مووشەكیی زەمین بەزەمین لە هێزە چەكدارەكانی ئێران، هێناوە.
ئەمڕۆش سوپای ئێران بەهەمان شێوە تیرۆركردنی هەر یەك لە غولامڕەزا میحرابی جێگری سەرۆكی دەزگای هەواڵگری و مەهدی ڕەبانی جێگری سەرۆكی دەزگای پڕۆسەكان لە هێزە چەكدارەكانی لە هێرشەكانی سوپای زایۆنی بڵاو كردەوە.
هەر ئەمڕۆش سوپای زایۆنی كوشتنی نۆ زانا و كارناسی ئەتۆمی لە هێرشەكانی لە بەرەبەیانی دوێنێ، هەینییەوە بۆ سەر تارانی پایتەختی ئێران و چەند ناوچەیەكی ئەو وڵاتە ڕاگەیاند و ناوی سەرجەمیشیانی ئاشكرا كرد.
لە تۆڕە کۆمەڵایەتیەکان شەیری بکە