11 کاتژمێر پێش ئێستا
93 جار خوێنراوەتەوە
ئەمریكا باڵیۆزخانەكەی لە ئیسرائیل داخست و لە هێرشەکانیشدا زیان بە باڵیۆزخانەكە گەیشتووە
پەیام
ئەمریكا باڵیۆزخانەكەی لە ئیسرائیل داخست. لە هێرشەكانی بەرەبەیانی ئەمڕۆی ئێرانیشدا زیان بە باڵیۆزخانەكە گەیشتووە.
شەوی ڕابردوو باڵیۆزخانەی ئەمریكا لە ئیسرائیل ڕایگەیاند، ئەمڕۆ دووشەممە باڵیۆزخانەكەیان دادەخرێت.
باڵیۆزخانەكە لە ڕوونكردنەوەیەكدا وتیشی "ئێمە لە دۆخێكدا نیین بتوانین هاوكاریی هاووڵاتییە ئەمریكییەكان لە ئیسرائیل بكەین".
باڵیۆزخانەی ئەمریكا لە ئیسرائیل داوایشی لە هاووڵاتیانی ئەمریكی كرد بۆ خۆپاراستن لە هێرشەكانی ئێران، لە حەشارگە و پەناگاكاندا بمێننەوە.
بەیانیی ئەمڕۆ باڵیۆزی ئەمریكا لە قەوارەی زایۆنی ڕایگەیاند، بەهۆی هێرشەكانی بەرەبەیانی ئەمڕۆی ئێران بۆ سەر ئیسرائیل، زیان بە بینای باڵیۆزخانەكە گەیشتووە.
لە تۆڕە کۆمەڵایەتیەکان شەیری بکە