پێش 4 هەفتە
242 جار خوێنراوەتەوە
ئێران: ئەگەر ئیسرائیل هێرشەكانیشی ڕابگرێت ئێمە بەردەوام دەبین
پەیام
ئێران هەڕەشەی بەردەوامیی هێرشەكانی بۆ سەر قەوارەی زایۆنی دەكات تەنانەت ئەگەر ئەو قەوارەیە هێرشەكانیشی ڕابگرێت.
محەممەد پاكپوور فەرماندەی گشتی سوپای پاسدارانی كۆماری ئیسلامیی ئێران ڕایگەیاند: لە هێرشەكانمان بۆ سەر قەوارەی زایۆنی بەردەوام دەبین ئەگەرچی ئەو قەوارەیە هێرشەكانیشی بۆ سەرمان ڕابگرێت.
لە لێدوانێكیدا بۆ میدیاكانی وڵاتەكەی، محەممەد پاكپوور وتی: تا كۆتایی لە هێرشەكانمان بەردەوام دەبین ئەگەر قەوارەی زایۆنییش ڕایبگیرێت.
فەرماندەی گشتی سوپای پاسدارانی كۆماری ئیسلامیی ئێران ئاماژەی بۆ هێرشەكانی سوپای پاسدارانی وڵاتەكەی بۆ سەر قەوارەی زایۆنی كرد و بە "بەهێز" ناوی برد و وتیشی: قەوارەی زایۆنی زیانەكانی هێرشەكانی سەری، دەشارێتەوە.
لێدوانەكەی فەرماندەی گشتی سوپای پاسداران پێچەوانەی لێدوانی ئاڕاستە سیاسییەكەی وڵاتەكەیەتی كاتێك دوێنێ، یەكشەممە عەباس عەراقچی وەزیری دەرەوەی ئێران وتی: ئێران ئامادەیە هێرشە تۆڵەكردنەوەكانی ڕابگرێت ئەگەر قەوارەی زایۆنی دەست لە هێرشەكانی بۆ سەر ئێران هەڵبگرێت.
لە تۆڕە کۆمەڵایەتیەکان شەیری بکە