3 کاتژمێر پێش ئێستا
97 جار خوێنراوەتەوە
وه‌زیری ده‌ره‌وه‌ی ئێران: به‌رنامه‌ی ئه‌تۆمیی ئێران به‌رده‌وامه
وه‌زیری ده‌ره‌وه‌ی ئێران ڕایگه‌یاند، به‌رنامه ئه‌تۆمییه ئاشتیخوازه‌كه‌یان به‌رده‌وامه، هیچ هه‌ڕه‌شه و گووشارێكی ده‌ره‌كی قبووڵ ناكه‌ن.
عه‌باس عه‌راقچی له لێدوانێكی ڕۆژنامه‌نووسیدا ئاماژه‌ی به‌وه كرد، به‌رنامه ئه‌تۆمییه‌كه‌یان به‌رده‌وامه و گه‌ڕانه‌وه‌ش بۆ دانوستانه‌كان به‌نده به‌وه‌ی قه‌واره‌ی زایۆنی ته‌واوی هێرشه‌كانی بۆ سه‌ر ئێران ڕابگرێت.
له‌لایه‌كی دیكه‌وه ئه‌میر سه‌عید نوێنه‌ری هه‌میشه‌یی ئێران له ئه‌نجوومه‌نی ئاسایشی نێوده‌وڵه‌تی ڕایگه‌یاند، ئێستا و دوای كۆتاییهاتنی ده‌ستدرێژییه‌كان، ئێران سه‌ری به‌رزه، هه‌روه‌ها شه‌ڕه‌كه نه‌یتوانی وا له ئێران بكات خۆی به‌ده‌سته‌وه بدات.
دووپاتیشی ده‌كاته‌وه، تاران ده‌ست له به‌رنامه ئه‌تۆمییه ئاشتیخوازه‌كه‌ی هه‌ڵناگرێت، هیچ به‌ڵگه‌یه‌كیش نییه ده‌ری بخات ئێرانن له دروستكردنی چه‌كی ئه‌تۆمی نزیك بووبێته‌وه.
ئه‌میر سه‌عید باس له‌وه‌ش ده‌كات، ئێران هه‌وڵی به‌ده‌ستهێنانی چه‌كی ئه‌تۆم نادات، به‌ڵام له‌ژێر ناوی دانوستانیشدا هیچ هه‌ڕه‌شه‌یه‌ك قبووڵ ناكات.
لە تۆڕە کۆمەڵایەتیەکان شەیری بکە