19/07/2025
315 جار خوێنراوەتەوە
وتەبێژی كۆنگرەى کۆمەڵ: كار لەسەر خەمەكانی خەڵك و ڕابەرایەتیكردنی دەنگی ناڕازی دەكەین
پەیام
ئەمڕۆ 19ى 7ى 2025 كۆنگرەی پێنجەمی كۆمەڵی دادگەریی كوردستان لە شارى هەولێر دەستی بە کارەکانى كرد.
كۆنگرەی پێنجەمی كۆمەڵی دادگەری بە بەشداریی 900 ئەندام بەڕێوە دەچێت و 78 كەس خۆیان بۆ سەركردایەتیی نوێی كۆمەڵی دادگەری پاڵاوتووە.
لەم کۆنگرەیەدا لەسەدا 25ـی ئەندامان و هەشت كاندیدی سەركردایەتی ئافرەتن، تێیدا گفتوگۆ لەسەر پەیڕەوی ناوخۆی حزب دەكرێت.
وتەبێژی كۆنگرەی كۆمەڵ ڕایگەیاند: لەم کۆنگرەیەدا كار لەسەر خەمەكانی خەڵك و ڕابەرایەتیكردنی دەنگی ناڕازی و ڕاستەقینەى خەڵکى کوردستان دەكەن، هەر ئەندامێكی كۆنگرەش نوێنەرایەتیی چین و توێژێكی جیاواز دەكات.
وتیشى "كۆمەڵی دادگەری بەرنامە و ستراتیژی خۆی بۆ چوار ساڵی داهاتوو دادەڕێژێتەوە و گفتوگۆ لەسەر پەیڕەوی ناوخۆی حزب دەكات".
لە تۆڕە کۆمەڵایەتیەکان شەیری بکە