19/07/2025
1067 جار خوێنراوەتەوە
مامۆستا عەلی باپیر: بەرپرسانی هەرێم کۆتایی بە ستەم و گەندەڵی نەهێنن کۆتاییان پێدێت
پەیام
مامۆستا عەلی باپیر سەرۆکى کۆمەڵى دادگەریی کوردستان لە کۆنگرەى پێنجى کۆمەڵدا ڕاشیگەیاند: بەرپرسانی هەرێم کۆتایی بە ستەم و گەندەڵی و ئەم شێوازى حوکمڕانییەیان نەهێنن کۆتاییان پێدێت، وەک چۆن لە وڵاتانى دەوروبەرمان بەسەر ئەو دەسەڵاتدارانەدا هاتووە کە ستەمکارو زاڵم بوون.
ئاماژەى بەوەشکرد: "بەداخەوە بەهۆى سیاسەتى نەشیاو و حوکمڕانى ناتەندروستەوە هەرێمى کوردستان بەردەوام بەرەو بچوكبوونەوە و پوكانەوە دەڕوات، ئەوانەی ئەم هەرێمە بەڕێوە دەبەن گوێ ناگرن و ڕەخنەگران بە دوژمن سەیر دەكەن".
هیواشى خواست ڕێككەوتنەكەی هەرێم و بەغداد بە كردەوە بێت و بە هەر نرخێك بێت كێشەی مووچە چارەسەر بكرێت.
بە پێویستیشى زانى لایەنە سیاسییەكانی هەرێم باوەش بۆ یەكتری بكەنەوە و ڕیزەکانیان لە ناوخۆدا یەکبخەن.
مامۆستا عەلی باپیر لەبارەى ئاشتەوایی نێوان پەكەكە و توركیاشەوە پێیوایە "كارێكی زۆر چاكە و هیوادارم بەرەوپێش بچێت".
سەبارەت بە دۆخى غەززەو فەڵوستینیش وتى "پێویستە بە پاڕانەوەیەكیش بێت هاوكاریی بەرگریكارانی فەڵەستین بكەین".
لە تۆڕە کۆمەڵایەتیەکان شەیری بکە