پێش 2 هەفتە
225 جار خوێنراوەتەوە
له‌مه‌ودوا نابێت كه‌مته‌رخه‌می له وه‌رگرتنی به‌شه‌خۆراكی مانگانه‌دا بكرێت
په‌یام
هاووڵاتیانی هه‌رێم ئاگادار ده‌كرێنه‌وه ئه‌گه‌ر كه‌مته‌رخه‌می له وه‌رگرتنی به‌شه خۆراكی مانگانه بكه‌ن، ناویان له لیستی خۆراك ده‌سڕێته‌وه.
به‌پێی لێدوانی به‌رپرسانی بازرگانی و خۆراكی هه‌ردوو پارێزگای سلێمانی و هه‌ولێر، له چوارچێوه‌ی سیستمی ئه‌لیكترۆنی پسووله‌ی خۆراك، له‌مه‌ودوا نابێت به‌شه‌خۆراك لای بریكاره‌كان بمێنێته‌وه و راسته‌وخۆ ده‌گه‌ڕێندرێته‌وه كۆگاكان، هه‌ر هاوڵاتییه‌ك له‌كاتی دابه‌شكردنی به‌شه‌خۆراك به‌شه‌كه‌ی وه‌رنه‌گرێت و لای بریكاره‌كان بمێنێته‌وه، راسته‌وخۆ ناوی له پسووله ده‌سڕدرێته‌وه.
به پێی بڕیاره‌كه لیژنه‌یه‌ك پێكهێنراوه و سه‌ردانی بریكاره‌كانی خۆراك ده‌كات و هه‌ر بریكارێك به‌شه‌خۆراكی مانگی پێشووی لێ مابێت ده‌ست به‌سه‌ر به‌شه‌خۆراكه‌دا ده‌گیرێت و ناویشی له پسوڵه‌دا ده‌سڕێته‌وه.
لە تۆڕە کۆمەڵایەتیەکان شەیری بکە